Arba’in An-Nawawi Hadits kaping #28: Wasiat Kanjeng Nabi marang umaté
WASIAT KANJENG NABI MARANG UMATÉ
عَنْ أَبِي نَجِيْحٍ الْعِرْبَاضِ بِنْ سَارِيَةَ رضي الله عنه قَالَ: وَعَظَنَا رَسُولُ اللهِ صلى الله عليه وسلم مَوْعِظَةً وَجِلَتْ مِنْهَا الْقُلُبُ, وَذَرَفَتْ مِنْهِا الْعُيُونُ, فَقُلْنَا يَا رَسُولَ اللهِ, كَأَنَّهَا مَوْعِظَةُ مُوَدِّعٍ, فَأَوْصِنَا, قَالَ:” أُوْصِيْكُمْ بِتَقْوَى اللهِ عَزَّوَجَلَّ, وَالسَّمْعِ وَالطَّاعةِ, وَإِنْ تَأَمَّرَ عَلَيْكُمْ عَبْدٌ حَبَشِيٌّ, فَإِنَّهُ مَنْ يَعِشْ مِنْكُمْ فَسَيَرَى اخْتِلاَفًا كَثِيْرًا, فَعَلَيْكُمْ بِسُنَّتِي وَسُنَّةِ الْخُلَفَاءِ الرَّاشِدِيْنَ الْمَهْدِيِّينَ, عَضُّوْا عَلَيْهَا بِالنَّوَاجِذِ, وَإِيَّاكُمْ وَمُحْدَثَاتِ الأُمُورِ, فَإِنَّ كُلَّ بِدْعَةً ضَلاَلَةٌ.” رَوَاهُ التِّرْمِذِيُّ, وَقَالَ:حَدِيْثٌ حَسَنٌ صَحِيحٌ.
Saking Abu Najih Al Irbadh bin Sariyah radhiyallahu anhu ngendika:
Rasulullah shallallaahu alaihi wa sallam paring pitutur marang aku lan para shahabat kanthi pitutur kang gawe ati gumeter lan mripat nétésaké eluh.
Satemah padha matur marang Kanjeng Nabi:
Dhuh Kanjeng Nabi, wasiat niki kados wasiat saking tiyang ingkang badhe pepisahan, pramila mugi Panjenengan kersa paring wasiat dhumateng kita sedaya.
Kanjeng Nabi shallallaahu alaihi wa sallam nuli dhawuh:
Ndak wasiataké marang sira kabéh supaya padha taqwa marang Allah.
Padha rungakna lan tindakna printahé pangarsanira, senadyan sira dipimpin dening budak.
Satemené wong kang urip sapungkurku besok, bakal nemoni cecongkrahan kang akéh. Mula saka kui wajib atasé sira kabéh gegujengan marang sunnahku lan sunnah Khulafa’ur Rasyidin kang oleh pituduh. Gegeten sunnah iku kanthi kukuh, aja nganti ucul.
Lan prayoga sira ngedohi saka laku bid’ah (kang di gawe gawe) awit sakabéhé bid’ah iku nyasaraké.
(Hadits punika shahih dipun riwayataken dening Imam At Tirmidzi, Imam Ahmad saha Imam Abu Dawud)
Alih basa dening : Abul Akhmar bin Hadi Al Djawi
Artikel Basa Jawi Alukhuwah.Com
