Arba’in An-Nawawi Hadits kaping #35: Pasedulurané Wong Muslim

PASEDULURANE WONG MUSLIM

عَنْ أَبِيْ هُرَيْرَةَ رضي الله عنه قَالَ: قَالَ رَسُوْلُ اللهِ صلى الله عليه وسلم: (لاَ تَحَاسَدُوْا، وَلاَتَنَاجَشُوْا، وَلاَ تَبَاغَضُوْا، وَلاَ تَدَابَرُوْا، وَلاَ يَبِعْ بَعْضُكُمْ عَلَى بَيْعِ بَعْضٍ، وَكُوْنُوْا عِبَادَ اللهِ إِخوَانَاً، الْمُسْلِمُ أَخُوْ الْمُسْلِمِ، لاَ يَظلِمُهُ، وَلاَ يَخْذُلُهُ، وَلاَ يَكْذِبُهُ، وَلايَحْقِرُهُ، التَّقْوَى هَاهُنَا – وَيُشِيْرُ إِلَى صَدْرِهِ ثَلاَثَ مَرَّاتٍ – بِحَسْبِ امْرِئٍ مِنَ الشَّرِّ أَنْ يَحْقِرَ أَخَاهُ الْمُسلِمَ، كُلُّ الْمُسْلِمِ عَلَى الْمُسْلِمِ حَرَامٌ دَمُهُ وَمَالُهُ وَعِرْضُهُ). رَوَاهُ مُسْلِمٌ

Saking Abu Hurairah radhiyallahu anhu piyambakipun ngendika:

Rasullah shallallahu alaihi wa sallam nate dhawuh :

Sira aja padha serik ati, aja padha ngapusi nalikane dol tinuku, aja padha gampang nggething marang wong liya, aja padha memungsuhan, lan aja padha ngudhunaké rega antarané wong siji lan liyané nalikané bebakulan.

Padha dadia kawulané Gusti Allah kang rumaket pasedulurané. Satemené wong Muslim iku dadi sedulur tumrap muslim liyané.

Aja di aniaya, aja di lirwa’aké, aja diapusi, lan aja sawiyah-wiyah marang dhéwéké.

Dumunungé taqwa iku ana kéné ( kanjeng Nabi nyudhing jajané kaping telu). Wis kena diarani wong kang nistha nalikané ana wong muslim wus ngina marang muslim liyané.

Satemené getihé, bandhane lan kaurmatané wong muslim iku haram kanggo wong muslim liyané.

(Hadits punika shahih, dipun riwayataken dening Imam Muslim)

Alih basa dening : Abul Akhmar bin Hadi Al Djawi

Artikel Basa Jawi Alukhuwah.Com