Arba’in An-Nawawi Hadits kaping #19: Iman marang Qadha’ lan Qadar

IMAN MARANG QADHA’ LAN QADAR

عَنْ أَبِي الْعَبَّاسِ عَبْدِ اللهِ بنِ عَبَّاسٍ رضي الله عنهما قَالَ: كُنْتُ خَلْفَ رَسُوْلَ اللَّهِ صلى الله عليه وسلّم فَقَالَ: (يَا غُلاَمُ إِنّي أُعَلِّمُكَ كَلِمَاتٍ: احْفَظِ اللهَ يَحفَظْكَ، احْفَظِ اللهَ تَجِدْهُ تُجَاهَكَ، إِذَاَ سَأَلْتَ فَاسْأَلِ اللهَ، وَإِذَاَ اسْتَعَنتَ فَاسْتَعِن بِاللهِ، وَاعْلَم أَنَّ الأُمَّةَ لَوِ اجْتَمَعَت عَلَى أن يَنفَعُوكَ بِشيءٍ لَمْ يَنْفَعُوكَ إِلا بِشيءٍ قَد كَتَبَهُ اللهُ لَك، ولَوِ اِجْتَمَعوا عَلَى أَنْ يَضُرُّوكَ بِشيءٍ لَمْ يَضروك إلا بشيءٍ قَد كَتَبَهُ اللهُ عَلَيْكَ، رُفعَت الأَقْلامُ، وَجَفّتِ الصُّحُفُ) رَوَاهُ التِّرْمِذِيّ وَقَالَ: حَدِيْثٌ حَسَنٌ صَحِيْحٌ
وَفِي رِوَايَةِ غَيْرِ التِّرْمِذِيّ: (اِحفظِ اللهَ تَجٍدْهُ أَمَامَكَ، تَعَرَّفْ إلى اللهِ في الرَّخاءِ يَعرِفْكَ في الشّدةِ، وَاعْلَم أن مَا أَخطأكَ لَمْ يَكُن لِيُصيبكَ، وَمَا أَصَابَكَ لَمْ يَكُن لِيُخطِئكَ، وَاعْلَمْ أنَّ النَّصْرَ مَعَ الصَّبْرِ، وَأَنَّ الفَرَجَ مَعَ الكَربِ، وَأَنَّ مَعَ العُسرِ يُسراً)

Saking Abul Abbas Abdullah bin Abbas radhiyallahu anhuma, piyambakipun ngendika:

Sawijining dina aku ana saburiné Kanjeng Nabi, nuli kanjeng Nabi dhawuh marang aku:

Hee.. Bocah nomnoman,,,, rungakna apa kang dadi pangandikanku,,,

Jaganen Allah, yekti Allah bakal paring pangayoman

Jaganen Allah, yekti Allah bakal caket marang sira

Menawa sira nyenyuwun, nyuwuna marang Allah

Menawa sira butuh pitulungan, nyuwuna pitulungan marang Allah

Mangertiya, sanadyan para manungsa ngumpul kanggo aweh pitulungan marang sira, yekti ora bakal migunani lamun Allah ora ngersakaké.

Lan menawa sakabéhé manungsa ngumpul, bakal gawe kacilakan marang sira, satemené kabeh mau ora bakal bisa kadadéyan, kajaba perkara iku pancén wus di tetepake marang sira.

Satemené, sakabehé (lelakon) wus di tulis lan sakabéhé (kedadeyan) wus di tetepaké.

(Hadits punika dipun riwayataken dening Imam At Tirmidzi, piyambakipun ngendika menawi hadits punika kalebet hasan shahih)

Wonten riwayat lintunipun, salintunipun ingkang dipun riwayataken saking Imam At Tirmidzi, nyebataken:

(Rasulullah shallallahu alaihi wa sallam dhawuh)

Jaganen Allah, yekti sira bakal nyumurupi Allah ana ing ngarepanmu.

Nyaketa marang Allah nalikané sira bungah, yekti Allah bakal nyaket marang sira nalikané sira kasusahan.

Sumurupa, sawijining perkara kang luput saka sira, yekti ora bakal tumama marang sira, Lan (perkara) apa wae kang tumama marang sira, yekti ora bakal luput saka sira.

Mangertiya, satemené pitulungan iku kairing dening kesabaran, perkara lapang iku kairing dening perkara kang rekasa, lan ana ing perkara kang rekasa bakal nemoni perkara kang gampang.

(Hadits punika shahih, dipun riwayataken dening Imam At Tirmidzi saha salintunipun)

Alih basa dening : Abul Akhmar bin Hadi Al Djawi

Artikel Basa Jawi Alukhuwah.Com