Arba’in An-Nawawi Hadits kaping #38: Amalan kang ditresnani Gusti Allah
AMALAN KANG DITRESNANI GUSTI ALLAH
عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صلى الله عليه وسلم: (إِنَّ اللهَ تَعَالَى قَالَ: مَنْ عَادَى لِي وَلِيَّاً فَقَدْ آذَنْتُهُ بِالحَرْبِ. وَمَا تَقَرَّبَ إِلِيَّ عَبْدِيْ بِشَيءٍ أَحَبَّ إِلِيَّ مِمَّا افْتَرَضْتُهُ عَلَيْهِ. ولايَزَالُ عَبْدِيْ يَتَقَرَّبُ إِلَيَّ بِالنَّوَافِلِ حَتَّى أُحِبَّهُ، فَإِذَا أَحْبَبتُهُ كُنْتُ سَمْعَهُ الَّذِيْ يَسْمَعُ بِهِ، وَبَصَرَهُ الَّذِيْ يُبْصِرُ بِهِ، وَيَدَهُ الَّتِي يَبْطِشُ بِهَا، وَرِجْلَهُ الَّتِي يَمْشِيْ بِهَا. وَلَئِنْ سَأَلَنِيْ لأُعطِيَنَّهُ، وَلَئِنْ اسْتَعَاذَنِيْ لأُعِيْذَنَّهُ) رَوَاهُ اْلبُخَارِيُّ
Saking Abu Hurairah radhiyallahu anhu piyambakipun ngendika:
Rasulullah shallallahu alaihi wa sallam dhawuh:
Satemené Allah subhanahu wa ta’ala paring dhawuh :
Sing sapa wongé memungsuhan kelawan wali Ingsun, mangka Ingsun ngumumaké perang marang dhéwéké.
Satemené nalikané kawulaKu nyaket marang Ingsun kanthi sawijiné perkara, ora ana kang luwih Ingsun tresnani kajaba nyaketé kanthi perkara kang wus Ingsun wajibaké marang dhéwéké.
Sabanjuré dhéwéké pijer nyaket marang Ingsun kanthi amalan amalan sunnah satemah Ingsun tresna marang dhéwéké.
Menawa Ingsun wus tresna marang dhéwéké, Ingsun bakal njaga pangrunguné, kang kanthi kui dhéwéké ngrungokaké.
Ingsun bakal njaga pandelengé, kang kanthi iku dhéwéké bisa ndeleng.
Ingsun bakal njaga tangané, kang kanthi kui dhéwéké tandang gawé.
Uga Ingsun bakal njaga sikilé kang kanthi kui dhéwéké lumaku.
Lan nalikané dhéwéké nyuwun pangayoman marang Ingsun, yekti Ingsun bakal paring pangayoman.
(Hadits punika shahih, dipun riwayataken dening Imam Bukhari)
Alih basa dening : Abul Akhmar bin Hadi Al Djawi
Artikel Basa Jawi Alukhuwah.Com
