Arba’in An-Nawawi Hadits kaping #26: Dalan Dalan Kabecikan

DALAN DALAN KABECIKAN

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صلى الله عليه وسلم: كُلُّ سُلاَمَى مِنَ النَّاسِ عَلَيْهِ صَدَقَةٌ كُلُّ يَومٍ تَطْلُعُ فِيْهِ الشَّمْسُ: تَعْدِلُ بَيْنَ اثْنَيْنِ صَدَقَةٌ، وَتُعِيْنُ الرَّجُلَ فِي دَابَّتِهِ فَتَحْمِلُه عَلَيْهَا أَوْ تَرْفَعُ لَهُ عَلَيْهَا مَتَاعَهُ صَدَقَةٌ، وَالْكَلِمَةُ الطَّيِّبَةُ صَدَقَةٌ، وَبِكُلِّ خُطْوَةٍ تَمْشِيْهَا إِلَى الصَّلاةِ صَدَقَةٌ، وَتُمِيْطُ الأَذَى عَنِ الطَّرِيْقِ صَدَقَةٌ. رَوَاهُ الْبُخَارِيُّ وَمُسْلِمٌ

Saking Abu Hurairah radhiyallahu anhu ngendika:

Rasulullah shallallaahu alaihi wa sallam dhawuh:

Saben saben rosrosan balungé menungsa iku wajib di sedhekahi ing saben dinané.

Sira ngrukunaké wong loro kang lagi cecongkrahan iku kalebu sedhekah

Sira awéh pambiyantu marang sawijiné pawongan tumrap kewan tunggangané, banjur sira nulungi supaya bisa munggah ana kewan tunggangané utawa ngunggahaké barang barangé ana ing kewan tunggangané, iku kalebu sedhekah.

Pangucap kang becik iku uga sedhekah.

Saben jangkahmu kang tumuju papan kanggo nindakaké shalat (masjid), iku kalebu sedhekah

Lan sira nyingkrihaké gangguan kang ana ing dalan, iku uga kalebu sedhekah.

(Hadits punika shahih, dipun riwayataken dening Imam Bukhari saha Imam Muslim)

Alih basa dening : Abul Akhmar bin Hadi Al Djawi

Artikel Basa Jawi Alukhuwah.Com